Մայիսի 3-ը Մամուլի ազատության միջազգային օրն է, որը ճանաչում է անկախ լրատվամիջոցների աշխատանքի կարևորությունը։ Այս մասին «X»-ի իր միկրոբլոգում գրել է Ադրբեջանում ԱՄՆ դեսպան Մարկ Լիբբին։
«Օրը նշելու համար հանդիպեցի ադրբեջանցի տաղանդավոր լրագրողների հետ, որոնք հավատարիմ են մամուլի ազատությանը: Մենք նախկինի պես խիստ մտահոգված ենք ադրբեջանցի լրագրողների ձերբակալություններով և կոչ ենք անում Ադրբեջանի կառավարությանը անհապաղ ազատ արձակել բոլոր այն անձանց, որոնք անարդարացիորեն ձերբակալվել են»,- գրել է Բաքվում ԱՄՆ դեսպանը։
