Ֆրանսիական բանտերում բանտարկյալների թիվը ռեկորդ է սահմանել՝ գերազանցելով 77 հազարը։ Այս մասին հայտնում է Agence France-Presse (AFP)՝ հղում անելով հանրապետության արդարադատության նախարարության տվյալներին։

Ինչպես նշում է գործակալությունը, ապրիլի 1-ին բանտում պահվել է 77450 մարդ, ինչը 4370-ով ավելի է, քան 2023 թվականի ապրիլին։ Սա Ֆրանսիայի պատմության մեջ բանտարկյալների ամենամեծ թիվն է։

Որոշ բանտեր 200%-ով գերբնակեցված են։ Տարածքի բացակայությունը հանգեցրել է նաև ներքնակների վրա հատակին քնելուն հարկադրված մարդկանց թվի կտրուկ աճի` 2023 թվականի ապրիլի 2151-ից մինչև 3307: