Պայքարը վճռական է, որովհետեւ սա միայն պայքար չէ Տավուշի համար, սա պայքար է՝ պետության համար, օետականության, ինքնության եւ արժանապտվության համար, սա առաքելություն է, բայց ամենակարեւորը սա խաղաղ գործընթաց է օրենքի շրջանակում: Այս մասին ասել է քաղաքագետ Սուրեն Պետրոսյանը, որը օրեր առաջ ձերբակալվել էր, նախօրեին ազատ արձակվել եւ կրկին ԿԻրանց վերադարձել:
Պետրոսյանը նշեց, որ իշխանությունը անընդհատ փորձում է իրենց այլ դաշտ տանել, սակայն դա նրանց չի հաջողվի, քանի որ ակցիաները խաղաղ բնույթ են կրում: Քաղաքագետը նշում է, որ գործընթացը սկսվել է, այն կասեցնել չի լինի, քանի որ այն ցանցային բնույթ է կրում:
«Յուրաքանչյուրիցս է կախված, թե ինչ արդյունքի կհասնենք: Պայքարի կնիքը դրվելու է Երեւանում, բայց ալիքը գնալու է Տավուշից»,-ասել է նա:
