Հայաստանը շարունակում է մնալ ՀԱՊԿ-ի անդամ, նա իր շահերից ելնելով է որոշում կազմակերպությանը մասնակցության մակարդակը; Այս մասին ՌԻԱ Նովոստիին ասել է կազմակերպության գլխավոր քարտուղարի տեղակալ Վալերի Սեմերիկովը։
«Հայաստանի հարցով իրավիճակը պարզ է, և դա բազմիցս հայտարարվել է ղեկավարության կողմից։ Նրանք մեր կազմակերպության անդամներ են և, ելնելով իրենց շահերից, մասնակցում կամ չեն մասնակցում միջոցառումներին, բայց չեն խանգարում դրանց իրականացմանը։ Ուստի բնականոն աշխատանք է ընթանում»,- ասել է նա «Եկամուտների լվացման և ահաբեկչության ֆինանսավորման դեմ պայքարի արդիական հիմնախնդիրները» թեմայով միջազգային ֆորումի շրջանակներում։
