Ավելի քան կես միլիոն պաղեստինցիներ վերջին օրերին ստիպված են եղել լքել իրենց տները` Գազայի հարավային և հյուսիսային հատվածներում իսրայելական ռազմական գործողությունների սրման պատճառով, հայտնում է ՄԱԿ-ը:

Գազայի հարավում գտնվող Ռաֆահից վերջին շաբաթվա ընթացքում մոտ 450 հազար պաղեստինցի է արտաքսվել, երեքշաբթի հայտնել է Պաղեստինի փախստականների հարցերով ՄԱԿ-ի գործակալությունը (UNRWA):

Ռաֆահն ապաստան է տվել մոտ 1,3 միլիոն մարդու, նախքան Իսրայելի հարձակումը քաղաքի վրա, որը, Իսրայելի կարծիքով, Համասի վերջին հենակետն է:

ՄԱԿ-ի խոսնակի տեղակալ Ֆարհան Հակը երկուշաբթի օրը լրագրողներին ասել է, որ շաբաթ օրը բանակի կողմից տրված տարհանման հրամանները մինչ այժմ հանգեցրել են մոտ 100,000 մարդու տեղահանման, հայտնում է AP-ն։