ՆԱՏՕ-ի գլխավոր քարտուղար Յենս Ստոլտենբերգը չհայտարարված այցով ժամանել է Կիև և հանդիպել Ուկրաինայի նախագահ Վլադիմիր Զելենսկու հետ։
«Այսօր մենք քննարկեցինք Յենսի նախաձեռնությունը՝ ստեղծելու հատուկ հիմնադրամ՝ 100 միլիարդ եվրոյի չափով՝ ուկրաինական պաշտպանությանը հինգ տարի ժամկետով ֆինանսական աջակցության համար», - ասել է Զելենսկին Հյուսիսատլանտյան դաշինքի հետ համատեղ ճեպազրույցի ժամանակ։
Զելենսկու խոսքով՝ Կիևը և ՆԱՏՕ-ն հասել են Ուկրաինայի անկախացումից ի վեր փոխգործակցության ամենաբարձր մակարդակին, բայց ոչ ամենաբարձր մակարդակին։
Զելենսկին ընդգծել է, որ Ուկրաինան լինելու է ՆԱՏՕ-ում, քանի որ այլևս հնարավոր չէ պատկերացնել Եվրոպայի և եվրատլանտյան հանրության անվտանգությունն առանց Ուկրաինայի արդյունավետ մասնակցության։
«Ռուսաստանը ձգտում է մեր պետությունը, մեր ժողովրդին և մեր ներուժը դարձնել իր ցատկահարթակն՝ ամբողջ եվրոպական և եվրատլանտյան տարածքի հետագա ապակայունացման համար։ Եվ հետևաբար, ի պաշտպանություն մեր պետության, կա վստահելի և երկարաժամկետ ընդհանուր անվտանգության հարցի պատասխանը»,- ընդգծել է Զելենսկին։
